‘Shqipëria vend problematik’, Çipa zbulon sesi media shqiptare bie në kurth

Në Ditën Ndërkombëtare të Lirisë së Shtypit, gazetari Aleksandër Çipa është shprehur se në vendin tonë ka një liri problematike përsa i përket lirisë së medias.

Në një intervistë për Euronews Albania, ai u shpreh mes të tjerash  se pushteti ekonomik ka një influencë shtypëse mbi mediat e sidomos mbi raportimin e lirë të gazetarëve.

“Ka një liri problematike përsa i përket cungimit të lirisë së shtypit  në disa dimensione, së pari në raport me pushtetet e tjera të demokracisë së vendit. Pushteti hibrid ka një shtatlartësi imponuese mbi pushtetin e katërt që janë mediat.

Pushteti ekonomik ka një influencë shtypëse mbi mediat por në mënyrë të veçantë mbi raportimin e lirë të gazetarëve. E për rrjedhojë kjo ka sjellë presionin censurues dhe vetë censurues dhe ndikimin e autoritetit të grupeve të interesit dhe pronarëve e poseduesve të medias, mbi vetë mediat apo mënyrën se si e raportojnë ato”- tha ai.

LEXONI GJITHASHTU: 

• Kush është autori i masakrës në shkollën në Beograd, momenti i arrestimit
• Pulari dhe makina luksoze, GJKKO konfiskon disa nga pasuritë e “Ben Qimes”