“Më ka pikë të dobët”, Balluku komenton debatet me Berishën

Zv.kryeministrja Belinda Balluku ka komentuar përplasje me ish-kryeministrin Sali Berish.

Në një intervistë për Euroneës Albania, ajo tha me ironi se Berisha nuk jeton dot pa i përmendur emrin e saj duke shtuar se lideri demokrat e ka sulmuar dhe kur ajo nuk ishte në qeveri.

Ndër të tjera Balluku nënvizoi se sjellja e Berishës në Kuvend kundrejt grave politikane duhet dënuar.

“Saliu më ka pasur gjithmonë pikë të dobët. Qëkur nuk kam pasur lidhje fare me politikën, që kur kam qenë në kabinet të kryeministrit Rama, dhe kur drejtoja kabinetin e PS, dhe kur ishte kryeministër merrej me mua në Kuvend.

Këtë fiksimin e vjetër nuk ia heq dot. Çdo herë që më përmend më shton kuotat politike. I bëjë thirrje që të më përmend më shumë. Kur ty të mungon argumenti, fillon të baltosësh këdo që të del përpara. Ka një sjellje që duhet dënuar. Ai u bën bullizëm të gjitha grave në politikë. Ai nuk jeton dot pa më përmendur emrin dhe unë do ja lejoj këtë gjë”- tha ajo.

LEXONI GJITHASHTU: 

• “Hapet tuneli i 7 në rrugën e Arbrit”, Balluku: Dibër-Tiranë shkohet për 1 orë
• Yuri Kim takon në zyrë Rrumbullakun, zbardhet biseda