Zhdukja e dy personave në Sarandë, Eksperti: Ja mesazhi i koduar që dhanë familjarët

Eksperti kriminalistik Artan Rexhepi, ishte i ftuar këtë të shtunë në emisionin “Review” në Euronews Albania, ku foli në lidhje me zhdukjen e dy personave në Sarandë.

Rexhepi tha se është e pafalshme të zhduken pa lënë gjurmë dy persona në një qytet si Saranda ku ka vetëm dy hyrje-dalje.

Për sa i përket deklaratës së familjarëve se ata kërkojnë vetëm trupat e viktimave, Rexhepi tha se ishte një mesazh me kod që do të thotë që “ju na gjeni viktimat se çështjen e zgjidhim vetë”.

“Po të vësh re intervistën e familjarëve, ajo që kuptohet është që ata kërkojnë vetë trupat, pasi punën do ta zgjidhin vetë. Ata nuk kanë humbur besimin nga shteti.

Të rrëmbehen dy persona në një vend të qetë si Saranda dhe që nuk ka shume hyrje dalje është e çuditshme.

Zhgënjimi i familjarëve është normal dhe mund ta rëndosh policinë dhe më shumë se duhet. Doja të thoja që është e pafalshme që dy qytetarë të zhduken në një qytet kaq të thjeshtë me dy hyrje dalje.

Familjarët dhanë një mesazh me kod, që na gjeni viktimat se me të tjerat merremi vetë”, tha Rexhepi.

LEXO GJITHASHTU

• Miku i të zhdukurit: Po të kërkonin lekë, jepnim 100-fishin e vlerës së tokës
• “Ikni, do hani plumbin”- Policia reagon për denoncimin e koalicionit Bashkë Fitojmë
• Zhdukja e Koçoles e Sulovarit, gazetari: Kërkime me qentë nga Kosova, çfarë dyshohet