Bota uron mbretin, Von der Leyen, Scholz dhe Zelensky, mesazhe urimi Charles III

Të sapo kurorëzuar, mbreti Charles III dhe mbretëresha Camilla përshkuan shëtitoren “The Mall” deri në pallatin Buckingham, në një procesion të shoqëruar nga forcat e armatosura.

Më pas, turma njerëzish hynë në shëtitore pasi dy monarkët e rinj ishin larguar. Ndërkohë, nga mbarë bota kanë vërshuar urimet.

“Kurorëzimi është një testament ndaj forcës afatgjatë të monarkisë britanike. Një simbol i stabilitetit dhe vazhdimësisë”, ka komentuar Ursula von der Leyen në Twitter.

Nga Nairobi, në Kenia, kancelari gjerman Olaf Scholz uroi mbretin Charles.

“Është me rëndësi fakti që ai është dikush i angazhuar ndaj bashkëpunimit mes Britanisë së Madhe dhe Bashkimit Evropian dhe që ka një agjendë për avancimin e mbrojtjes nga klima”, tha Olaf Scholz, kancelar i Gjermanisë.

“I uroj mbretit Charles III një mbretërim të suksesshëm, popullit britanik prosperitet dhe që të arrijmë fitoret së bashku”, u shpreh Volodymyr Zelensky, president i Ukrainës.

Ndërkohë, turistë të shumtë ndoqën kurorëzimin e mbretit në Shtëpinë Blu, në fshatin Vishri, në Rumani. Kjo pronë në fshatin e rajonit të Transilvanisë i përket Charles III.

LEXONI GJITHASHTU:

• Përfaqësuesi i Oborrit Mbretëror: Ceremonia e mbretit Charles kushtoi 110 mln paund
• Artisti shqiptar krijon portretin e veçantë të mbretit Charles III