Zgjedhjet| Lesi: Surpriza do të jetë në Shkodër dhe Durrës, kush fiton në Elbasan

Gazetari Nikollë Lesi ka komentuar zgjedhjet  vendore që janë zhvilluar ditën e sotme në 61 bashki të vendit.

Në një intervistë për Euronews Albania, ai thekson se pret surpriza nga rezultati i zgjedhjeve në Durrës, Shkodër e Himarë.

Për Elbasanin ai theksoi se drejtuesi politik në këtë bashki Damian Gjiknuri është një makineri votash, duke lënë të nënkuptohet se kjo bashki do të merret nga PS.

“Duke njohur natyrën e kandidatit Llatja edhe makinerinë madhe të votave Gjiknuri, nuk shoh ndonjë surprizë. Megjithatë të mos ngutemi sepse Boçi është një personalitet dhe njeri me integritet. Mendoj se në Durrës, Igli Cara do jetë avantazh. Për mua surpriza është Shkodra dhe Himara.

Nga numri i madh i votuesve mund të ketë surpriza në Himarë, ndërsa pres Shkodrën e Durrësin. Për Elbasanin, duke njohur natyrën e Llatjas dhe makinerisë së madhe të votave Gjiknurit, besoj se nuk po nguten të shpallin fitoren pa dalë rezultati zyrtar. Besoj se ka një rezultat pozitiv duke i njiohur të dy dhe makinerinë e PS.  Mund të ketë disa bashki që janë  bastione të PD-së që besoj se do të fitojnë koalicionin ‘Bashkë Fitojmë”- tha ai.

LEXONI GJITHASHTU: 

• Bardh Spahia entuziast: Të dhënat tregojnë për një fitore bindëse
• “Kemi fituar bindshëm”, kandidati i PS në Vorë flet për Euronews Albania