Margariti ndjek numërimin në njësinë 5: Ishim përgatitur për fitoren

Ministrja Elva Margariti ishte e pranishme në njësinë nr.5 në shkollën “Vasil Shanto” ku po numërohen kutitë e fundit.

Margariti ka monitoruar procesin që prej orëve të para të mëngjesit, ndërsa shihet se kryebashkiaku aktual, Erion Veliaj kryeson me një numër goxha më të lartë të votave.

“Është një nga njësitë me numrin më të lartë të votuesve, kështu që patjetër ishte një proces që do të zgjaste. Bëmë edhe një pushim të shkurtër sepse komisionerët ishin të lodhur, kështu që e ndërpremë për pak orë dhe po e rikuperojmë tani më me ritëm.

Ishim përgatitur për diferencën, pikëpyetja është sa do të jetë kjo diferencë deri në momentin e fundit, që është edhe për ne momenti i reflektimit për të parë nëse atë çfarë ishte e parashikuar e kemi brenda rezultatit,” – u shpreh Margariti.

Ministrja tha se statistikat tregojnë që janë në të njëjtin trend numër votash si në garën e kaluar.

LEXONI GJITHASHTU:

• Edhe 10 kuti në njësinë 5 në Tiranë, ja rezultatet deri tani
• Rritet diferenca në Tiranë, kryeson PS me mbi 50 mijë vota