A do e mbështesni Bashën për kreun e PD? Ja si përgjigjet deputeti Gështenja

Deputeti Lefter Gështenja, është shprehur se e gjithë opozita duhet të reflektojë për rezultatin e zgjedhjeve të 14 majit.

I ftuar në Euronews Albania ai theksoi se rezultati i zgjedhjeve ishte shumë i dobët për opozitën ndërsa shtoi se të gjithë duhet të ulen e të diskutojnë në lidhje me këtë çështje për shkak se janë përpara zgjedhjet e vitit 2025.

‘Do të dëshiroja shumë që i gjithë forumi i partisë të mblidhej për hapat  që duhet të ndërmarrë në këto ditë të vështira. Të gjithë drejtuesit e opozitës duhet të lexojnë qartë rezultatin e  14 majit. Ëhstë një rezultat i dobët e i rënë për opozitën. Të gjithë duhet  të reflektojmë për këtë rezultat. Situata që ndodhet opozita është e vështirë. Duhet të ulemi e të diskutojmë për hapat që duhet të ndërmarrim sepse kemi zgjedhjet e radhës përpara’- tha ai.

LEXONI GJITHASHTU: 

• “Opozita u vetë-flijua”, Agim Baçi: Pse nuk i kërkon askush llogari Berishës
• Studimet për historinë antike të ilirëve e Shqipërisë, botimet shkencore që po bëhen