Goditi me grusht Berishën, Shehu me probleme mendore, kërkohet shtrimi në psikiatri

Pas përfundimit të ekspertizës mjeko-ligjore, Prokuroria e Tiranës ka kërkuar shtrimin në spitalin psikiatrik për Gerti Shehun, personi i cili qëlloi me grusht në fytyrë ish-kryeministrin Sali Berisha gjatë protestës që po mbahej më 6 Dhjetor.

Sipas ekspertizës 31-vjeçari është i papërgjegjshëm mendërisht.

Kujtojmë se më herët edhe mjeku që ndiqte të riun, Sadik Lala ka pohuar për Euroneës Albani se Gerti Shehu vuante nga probleme të shëndetit mendor.

Gerti Shehu akuzohet për veprën penale “goditje për shkak të detyrës”.

Më herët avokatët e Shehut kishin kërkuar ndryshim të masës nga ‘arrest me burg’ në ‘arrest shtëpie’ ose shtrim i detyruar në spitalin psikiatrik, por një gjë e tillë nuk u pranua nga gjykata.

LEXONI GJITHASHTU: 

• Sheholli: Demokracia nuk mbahet me polici, të ketë zgjedhje të reja në Veri
• Studimet për historinë antike të ilirëve e Shqipërisë, botimet shkencore që po bëhen