Svelça publikon videon e dhunimit të shqiptarëve: Shikoni ç’bën milicia fashiste

Ministri i Punëve të Brendshme në Kosovë Xhelal Svelça, ka publikuar videon e dhunimit të dy shqiptarëve në Mitrovicën e Veriut.

Siç shihet në videon që ka publikuar Svelça në rrjetet sociale, disa persona fillimisht u afrohen me qetësi shqiptarëve të cilët qëndrojnë në rrugë, e më pas nisin dhunën ndaj tyre.

Ministri mes të tjerash shkruan se ky akt dhune duhet të dënohet ashpërsisht, ndërsa theksoi se milicia fashiste nuk do e minojnë rendin juridik të Kosovës

“Milicia fashiste vazhdon të sulmojë qytetarët e pafajshëm në veri të vendit tonë.

Dy qytetarë shqiptarë janë sulmuar brutalisht në sheshin e Mitrovicës së Veriut nga milicia fashiste e orkestruar dhe dirigjuar nga Beogradi.

Ky akt dhune dhe huliganesk duhet të dënohet ashpërsisht. Përgjegjësit kriminelë shumë shpejt do të vihen para drejtësisë. Këta milicë nuk do të mund ta minojnë rendin juridik dhe kushtetues të Republikës”- shkruan ai.

LEXONI GJITHASHTU: 

• “Ushtria serbe nuk është zero, kujdes…”, Mediu: Rama duhet të ulet me Kurtin
• Talenti 10-vjeçar bëhet pjesë e orkestrës së ushtrisë, performon për 1 qershorin