A do ta shpallë të pafajshëm Gjykata e Lartë? Avokati i Tahirit: Pse jemi optimistë

Avokati i Saimir Tahirit, Dritan Jahaj tha për “Review” në Euronews Albania se është optimist për procesin e nisur në Gjykatën e Lartë që do të vendosë përfundimisht fajësinë apo pafajësinë e ish-ministrit të Brendshëm.

Sipas tij duke parë gjykimet dhe ecurinë e Gjykatës së Lartë, praktikat që po mbajnë po tregojnë një standard shumë të lartë në lidhje me gjykimet. Në këto kushte, ndryshe nga të gjithë ato precedentë të rrezikshëm që janë marrë nga shkallët më të ulëta të gjyqësorit, Gjykata e Lartë po bën një punë shumë të mirë në realizimin e praktikave të mira për drejtësinë.

“Qëndrimet publike të Saimir Tahirit nuk mund ta vendosin procesin në pozita të vështira, por deklaratat e aktorëve politikë që dalin ditë për ditë, po. Nuk mendojnë të bëjnë një opozitë me argumentat që duhet ta bëjnë, por bëjnë me Saimir Tahirin. Të mendosh tani që opozita merr Saimir Tahirin për të kundërshtuar pozitën sot, është skandaloze. Edhe qëndrimet e ambasadës amerikane që ndikojnë patjetër.

Ka shumë raste gjykata e Strasburgut për gjykimet e ish-funksionarëve të lartë në vende të caktuara të cilët kanë fituar gjyqet vetëm nëpërmjet rasteve konkrete që kanë qenë atemuar nga politika apo ambasadorë të huaj në vendet e tyre ku kanë shërbyer përpara se të gjykoheshin,” – u shpreh Jahaj.

LEXONI GJITHASHTU:

• A mund të shpallet i pafajshëm Tahiri? Daci: Nuk mund të jemi idiotë të themi që…
• Gazetari: Asnjë qytetar nuk e përfiton lirimin si Tahiri, është procedurë e gjatë