Arrestimi i Sekretares së MSH, Braçe: U vranë njerëz në bulevard e s’foli njeri

Deputeti socialist, Erion Braçe ka folur sa i takon debatit për arrestimin e sekretares së përgjithshme te Shëndetësia.

Në fjalën e tij në Kuvend, referuar kohës që Sali Berisha ishte në pushte, tha se u vranë njerëz në bulevard dhe askush nuk mbajti përgjegjësi.

“Të shash nuk të bën deputet. Më vjen mirë që në këtë sallë po flitet për vendime gjykatë. Për të korruptuar që arrestohen. Sepse, nga 2005-2013 nuk gjen një ministër, zv.ministër të arrestuar. Nuk gjeje as drejtor të arrestuar. A thua se në atë kohë nuk vidhte askush. A për luftë të brendshme funksionokan, por për drejtësi… Nuk funksionoka. S’paska pasur asnjë të korruptuar dikur ë?

Kur nuk na pëlqen janë të atyre, kur na pëlqejnë jemi bashkë.

E di si është puna o Dash, janë vrarë njerëz mu në mes të bulevardit, edhe se thotë njeri. Fillojeni distancimin nga vrasjet. Nuk ja ka marrë për ligj, ja ka marrë për qejf, për të mbajtur pushtetin.”-tha Braçe.

LEXONI GJITHASHTU: 

• Sunak takim me Biden për kreu e ri të NATO-s, për kë po lobon kryeministri britanik
• “Të tregojmë pasurinë”- Basha: Vetingu i politikanëve të fillojë nga unë