Eksod masiv te Juventusi, 9 lojtarë pritet t’i japin dorën ‘Zonjës së vjetër’

Pak ditë më parë Juventusi hoqi dorë nga Superliga e Evropës, duke marrë përkohësisht miratimin e Uefa-s me këta të fundit të cilët nuk kanë ndërmend ta dënojnë zonjën e vjetër.

Pavarësisht këtij lajmi të mirë, situata ende mbetet e vështirë në kampin bardhezi, që prej problemeve financiare e deri tek heqja e 10 pikëve. Diçka e tillë ka bërë që futbollistët të shprehin pakënaqësitë e tyre, madje duke kërkuar largimin.

Një nga emrat i cili synon Premier Leaguen është serbi Vlahoviç, i cili kërkohet nga Arsenali dhe Bayerni i Mynihut. Sipas mediave italiane, ai nuk do të jetë i vetmi, pasi bëhet fjalë konkretisht dhe për 9 futbollsitë të tjerë të cilët pritet t’i japin dorën trajnerit Alegri. Mes tyre portieri Shezni, Kieza, Kuadrado, Milik apo dhe lojtarë të cilët u thirrën nga akademia në ekipin e parë.

Kjo gjë gjithsesi nuk i ndalon bardhezinjtë të hyjnë në merkato, ndërsa kërkojnë me ngulm talentin 20 vjeçar të Empolit Tomasso Baldanzi. Synimi kryesor ëshë rinovimi me disa nga yjet e skuadrës, ndërsa problem i vetëm është mungesa e pjesëmarrjes në Champions League, teksa bardhezinjtë kanë siguruar një biletë për në Conference League.

LEXONI GJITHASHTU:

• Kontratë 200 milionë euro në sezon, Benzema: Më bindi Ronaldo për në Arabi
• Benzema prezantohet në Arabinë Saudite, firmos kontratën e majme 2-vjeçare