Gashi: Rama mos të bëjë padronin e shqiptarëve, e të mos pengojë procesin e Berlinit

Analisti Blerim Gashi, ka kritikuar ashpër kryeministrin Edi Rama, ndërsa po fliste në lidhje me takimin e dy qeverive ditën e nesërme në Gjakovë.

Në një intervistë për Euronews Albania, ai uron që Rama të mos bëjë padronin e shqiptarëve si dhe mos të pengojë procesin e Berlinit.

Më tej ai theksoi se ka tendencë të tejdukshme të hegjemonisë serbe edhe nëpërmjet ekonomisë dhe financave.

“Shpresoj që Rama do të përfundoj së ruajturi padronin e gjithë shqiptarëve dhe shpresoj që Rama nuk do ta sabotojë procesin e Berlinit dhe  integrimi, kundrejt dhe kërkesa konkrete të Scholz dhe Macron përsa i përket procesit të Berlinit e jo “Ballkanit të Hapur”. Nuk mund të ketë ‘Ballkan të Hapur” kur ka një qasje të tillë ndaj Kosovës dhe nuk mund t’i mbyllim sytë sado që Rama do të kishte dëshirë t’i mbyllim sytë.

Kjo gjendje është para fakteve dhe nuk duhet të heshtim. Ka tendencë të tejdukshme të hegjemonisë serbe edhe nëpërmjet ekonomisë dhe financave. Është e dhimbshme që diçka të ecë para pa Kosovën”- tha ai.

LEXONI GJITHASHTU: 

• Sekuestrohet apartamenti me vlerë 120 mijë euro i të “fortit” në Fier
• “I dorëzuar, në gjendje të mjerueshme”! – Cana komenton deklaratën e Kurtit