Të shtëna me armë zjarri në një shkollë në Bosnjë, disa të plagosur

Një nxënës i mitur ka qëlluar me armë zjarri në shkollën fillore në Llukavac afër Tuzllës të Bosnjë e Hercegovinës, ka konfirmuar kryetari i komunës së Lukavacit, Edin Deliç.

Deliç ka bërë të ditur se ka persona të lënduar.

“Në mesin e tyre nuk ka fëmijë, prandaj kërkoj nga prindërit që mos të panikojnë. Autori është fëmijë i mitur dhe është arrestuar menjëherë. Një ditë e vështirë”, ka thënë Deliç në Facebook.

Ministria e Punëve të Brendshme e Bosnjës njoftoi se të shtënat në shkollë janë raportuar rreth orës 9:00 të mëngjesit.

“Personat e plagosur nga të shtënat e mëngjesit të sotëm në shkollën fillore të qytetit të Llukavacit janë transportuar në Qendrën Klinike Universitare të Tuzllës”, ka thënë MPB-ja.

LEXONI GJITHASHTU:

• 124 kg kokainë në pako me banane, policia në Bosnjë sekuestron lëndën narkotike
• Bashkëpunimi me Rusinë, SHBA ulimatum qeverive në Bosnjë Hercegovinë