“Synohej një skenar lufte”, analisti: Serbia në kufi donte shkëmbim zjarri!

Analisti nga Kosova, Gazmit Raci, tha në një intervistë për Euronews Albania se qëllimi i Serbisë me rrëmbimin e tre policëve të Kosovës është të krijojë destabilitet.

Sipas Racit, Serbia ka dashur që në kufi të kishte shkëmbim zjarri në mënyrë që ta përdorte këtë situatë në favorin e vet.

“Situata është tashmë shumë shqetësuese, sepse dje është shkelur në mënyrë flagrante plani franko-gjerman ku thuhet se të dyja palët do pranojnë dhe respektojnë territorin e njeri-tjetrit. Këtu duhej që BE të evidentonte edhe në publik, të përcaktohej kush ishte agresori dhe ndaj kujt u bë. U bë mirë që nuk pati shkëmbim zjarri se kjo ishte tendenca e Serbisë, që të provokonte një aksion të tillë, që të merrte një kundërpërgjigje zjarri dhe të inskenohej një incident lufte”, tha analisti.

LEXONI GJITHASHTU:

• Vuçiç: I kërkova ambasadorëve të ndalojnë Kurtin të shkojë drejt një lufte tjetër
• Rrëmbimi i policëve në Kosovë, Kurti: Kemi rritur nivelin e gatishmërisë