“Harrojeni! S’ka marrëveshje”, Kulla: Kohë e humbur, Vuçiçi po rrit pazarin

Analisti Ilir Kulla tha në “Now me Erla Mëhillin” në Euronews Albania se nuk mund të ketë marrëveshje mes Serbisë dhe Kosovës. Ai tha se çështja e të gjitha çështjeve është se Serbia duhet të njohë Kosovën.

Sipas Kullës, në takimin në Bruksel dhe në Ohër palët janë marrë vesh, por nuk kanë firmosur, Serbia tha ai nuk firmos pasi Vuçiç në këtë formë po rrit pazarin.

“Harrojeni nuk ka marrëveshje. Nuk nënshkruan Serbia marrëveshje. Çdo ulje me Serbinë në Tavolinë është kohë e humbur dhe këtë do prodhonte, një marrëveshje pa marrëveshje këtë do prodhonte.

Çfarë ndodhi në  Bruksel? U morën vesh por nuk nënshkruan, edhe në Ohër e njëjta gjë. Beogradi çdo herë prodhon ndonjë krizë tjetër, e ngre pazarin e më pas e ul. Çështja e të gjitha çështjeve është njohja e Kosovës nga Serbia, çdo broçkull tjetër do prodhojë të njëjtin rezultat”,-tha Ilir Kulla.

LEXONI GJITHASHTU:

• Arian Çani zbulon sekretet: Si e ftoi Rama Fredi Belerin në zyrë për drekë
• Peshëngritësi Kreshnik Leka shpallet kampion në Europianin Masters Games