Jugu rrit çmimet? Sota: S’është e vërtetë, pronarët e bizneseve janë nga Tirana

Përfaqësuesi i shoqatës turistike në Vlorë, Ervin Sota ishte në një intervistë për Euronews Albania për të folur për sezonin turistik veror i cili nuk ka shumë që ka nisur.

Ndër të tjerat ai foli edhe për çmimet, ku nuk la pa theksuar se shpesh jugorët akuzohen për rritje marramendëse të çmimeve, por sipas tij kjo gjë nuk është e vërtetë.

Nuk është e vërtetë jo se çmimet nuk rriten, por se pronarët në 70% të zonës bregdetare në jug, nuk janë jugorë por tiranas.

“Sa i përket rritjes së çmimeve në bregdet. Duhet të dini se edhe pse ne shpesh jemi etiketuar si “jugu abuzon me çmimet”, nuk është e vërtetë absolutisht. 70% e bizneseve që janë në Vlorë e deri në Ksamil, pronarët nuk janë vendasit. Pronarët e vërtetë janë Tiranasit. Mos e drejtoni gishtin nga ne se ne jemi shumë bujar. Do gjeni bujari, mikpritje dhe shërbim maksimal”,-tha Ervin Sota.

LEXONI GJITHASHTU:

• Asgjësohen 304 bimë narkotike, arrestohet 1 person, në kërkim 1 tjetër
• Procesi i Berlinit dhe Open Balkan, kryeministri Rama tur ballkanik më 6-7 korrik