Sherri për guroren në Fushë-Krujë, në kërkim djali i deputetit të PS-së

Policia ka bërë me dije se Rexhep Rraja, djali i deputetit të Partisë Socialiste, Rrahman Rraja është shpallur në kërkim.

4 persona janë aktualisht në prangat e policisë për sherrin masiv në Fushë-Krujë.

Ditën e djeshme në aksin rrugor Fushë Krujë – Thumanë mes dy fiseve, Maja dhe Rraja pati një përplasje të fortë fizike, pamjet e të cilës qarkulluan në media, ku për një gurore disa persona qëllohen me hunj në mes të një lokali të populluar me njerëz të tjerë të cilët pijnë kafe.

Njoftimi i policisë:

Në vazhdim të veprimeve hetimore në lidhje me ngjarjen e ndodhur me datë 06.07.2023, ku në një lokal në aksin rrugor Fushë Krujë-Thumanë, një grup personash kanë goditur me sende të forta shtetasit B. M., dhe J. M., Policia e Shtetit ka ndaluar 4 persona dhe ka shpallur në kërkim 3 të tjerë.

Në vijim të veprimeve hetimore është identifikuar dhe shtetasi R. Rr., për të cilin janë dërguar materialet pranë Prokurorisë së Gjykatës së Shkallës së Parë të Juridiksionit të Përgjithshëm Tiranë.

Shtetasi R. Rr., është shpallur në kërkim policor dhe vijon puna nga shërbimet e Policisë, për lokalizimin dhe kapjen e tij.

Vazhdon puna për identifikimin e personave të tjerë të përfshirë në këtë ngjarje.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Çuçi për konfliktin në Krujë: Askush s’është mbi ligjin, policia do të kapë autorët
• Konflikti për guroren në Krujë, pamjet kur dy fiset zihen me hunj në mes të lokalit