Çollaku: Emërimi i Fate Velaj si ambasador në Vjenë, qokë politike ndaj Ramës

Deputeti i Partisë Demokratike Kreshnik Çollaku ka reaguar me anë të  një statusi në Facebook në lidhje me dekretimin e ambasadorëve të rinj të Shqipërisë.

Ai e ka quajtur zhgënjyes emërimin e Fate  Velaj si ambasador të Shqipërisë në Vjenë pasi sipas tij, ky emërim vjen në shkelje të konventës së Vjenës.

Çollaku shkruan se arsyeja se pse Velaj nuk duhet të emërohet ambasador është sepse ai është shtetas austriak, ndërsa e ka quajtur dekretimin nga ana e presidentit një qokë politike ndaj Ramës.

“Zhgënjyes dekretimi i Fate Velaj si ambasador i Shqipërisë ne Vjene..

Emerimi i z Fate Velaj vjen ne shkelje te Konventës se Vjenës nenit 8 te saj.

Zoti Velaj është shtetas austriak dhe Konventa e Vjenës e ndalon dekretimin e një ambasadori ne te njëjtin vend ku është shtetas.

Propozimin e z Velaj si qoke politike nga shërbimet ndaj Ramës e kuptoj, çfarë ne mënyre zhgënjyese me çudit është konfirmimi i Presidentit te Republikës me ketë shkelje flagrante te konventave ndërkombëtare ne emërimin e një ambasadori”,-shkruan Çollaku.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Nga Bushati te Kurtezi, Presidenti Begaj dekreton ambasadorët e rinj
• Euronews siguron dosjen e çuar në Kuvend per Ahmetaj, 6 rastet e korrupsionit