Fundi i epokës Maldini, pas 7 dekadash s’ka asnjë përfaqësues të familjes te Milani

Gjatë plot afro 7 dekadave në skuadrën e Milanit ka pasur një përfaqësues të familjes së njohur sportive Maldini, ku i pari ishte Cesare, e i fundit Danieli. 21-vjeçari është huazuar tek Empoli pas një vendimi të marrë së fundmi nga drejtuesit e klubit, duke bërë që për herë të parë tek kuqezinjtë, të mos ekzistojë më ky mbiemër, jo vetëm në fushë, por madje as në trajnim apo role drejtuese.

I pari që shënoi nisjen e kësaj dinastie ishte Cesare Maldini, mbrojtësi që iu bashkua kuqezinjve në 54-ën, ku edhe pas karrierës si futbollit, u kthye në rolin e trajnerit. Pas tij stafetën do ta merrte i biri, një legjendë e Milanos, Paolo i cili ia dedikoi karrierën ekipit të djajve. Prej moshës 10-vjeçare, duke kaluar më pas në futbollin profesionist, e deri në emërimin si drejtor sportive i klubit.

Pika e përbashkët mes dyshes Cesare e Paolo është se kanë fituar Ligën e Kampionëve me Milanin. Danieli ishte trashëgimtari i fundit i familjes Maldini, por pa mundur të ketë shkëlqimin e parardhësve të tij tek klubi kuqezi. 21-vjeçari do të jetë pjesë e Empolit në sezonin e ri, ndërsa në ekipin e parë ka luajtur vetëm 15 ndeshje, ndërsa ishte pjesë e repartit ofensiv. Kujtojmë se pak javë më parë Milani shkarkoi drejtorin sportiv Paolo Maldini, duke e fajësuar atë për dështimet në merkato, ndërsa hakmarrja duket se ka vijuar deri tek i biri.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• Çfarë ndodh në Superligë| Skuadrat bëhen gati për aventurën evropiane
• Fundi i Mbappe tek PSG, sulmuesi sulmoi drejtuesit e klubit