Boksieri Kristian Prenga nderohet në SHBA, i dorëzohet çmimi ‘çelësi i qytetit’

Kristian Prenga është padyshim një nga boksierët më të mirë shqiptarë, ndërsa po regjistron suksese dita ditës.

Atleti nga Mirdita pak është vlerësuar nga kryetari i bashkisë së Garfield, Richard Rigoglioso, ndërsa i është dorëzuar çmimi ‘çelësi i qytetit. Boksieri shqiptar i cili numëron plot 13 fitore me nok out, takoi numrin 1 të qytetit në zonën e New Yersey, me këtë të fundit që vlerësoi kontributin e Prengës.

Në vizitën e tij, Prenga zhvilloi dhe një leksion me fëmijët në një prej shkollave të zonës ku tregoi rëndësinë e sportit. I kthyer në një personazh tejet të dashur për qytetarët, nuk mungoi as pritja nga drejtuesit e policisë së Garfield, ku mori përgëzime për kontributin që jep në sportin e boksit.

Kujtojmë se Kristian Prenga është një nga boksierët më të suksseshëm shqiptarë, të cilët vijojnë karrierën e tyre nëpër botë. Në karrierën si profesionist numëron vetëm 1 disfatë dhe 13 fitore të gjitha me knock out. Më 22 korrik, 32-vjecari ka një përballje tejet të rëndësishme ndaj Santander Silgado Gelez.

LEXONI GJITHASHTU:

• Prokuroria në Serbi do t’i kërkojë SHBA-së prova për rastin e Vulinit
• Hollywood/ Aktorët braktisin premierat, ndërpriten xhirimet e filmave