Kur do të votohet në Kukës? Nënkryetarja e KQZ: Presim dekretin e presidentit

Nënkryetarja e KQZ-së Lealba Pelinku teksa komentoi zgjedhjet në Rrogozhinë para dy ditësh foli dhe për zgjedhjet  në Kukës pas shkarkimit të Safet Gjicit nga kreu i Bashkisë Kukës.

Në një intervistë për Euronews Albania, ajo theksoi se KQZ do të flasë për detajet vetëm pasi të ketë një dekretim nga presidenti për datën e zgjedhjeve.

“KQZ është institucioni që investohet direkt pas daljes së dekretit të presidentit . Jemi në një fazë ku KQZ nuk mund të shprehet ende në lidhje me datën e votës. Në këtë moment që flasim duke qenë se akti i shkarkimit tashmë është publik, ka vakancë. Ne do investohemi vetëm pas daljes së dekretit të presidentit”- tha ajo.

LEXONI GJITHASHTU: 

• Lukaku refuzon Arabinë, 100 milionë euro në dy sezone, preferon kalimin tek Juventus
• Pësoi arrest kardiak, djali i LeBron James dërgohet me urgjencë në spital