“Reagim më i fortë ndaj Vuçiç”, politikanë të disa shteteve letër BE dhe SHBA-së

Politikanë të disa shteteve perëndimore kërkojnë një qasje më të ashpër të komunitetit ndërkombëtar ndaj Presidentit serb, Aleksandër Vuçiç.

“Tendencat e Serbisë për t’i penguar zgjedhjet demokratike në Kosovë duhet të kritikohen publikisht  dhe duhet të ndërmerren masa konkrete për ta mbajtur Serbinë përgjegjëse, nëse vazhdon t’i rrezikojë zgjedhjet e lira dhe demokratike”, thuhet në letrën drejtuar Josep Borrell, Anthony Blinken dhe James Kleverli

Sipas mediave letra është nënshkruar nga kryetarët e komiteteve të politikës së jashtme të Bundestagut, Michael Roth (SPD) dhe Senatit të SHBA, Bob Menendez, por edhe kryetarët e Komitetit të Jashtëm të Dhomës Britanike të Komunave dhe parlamenteve të Republikës Çeke, Ukrainës, Irlandës, Estonisë, Letonisë dhe Lituanisë.

“Ne kërkojmë që komuniteti ndërkombëtar të mësojë nga e kaluara jonë dhe të sigurojë që ne të mos ndjekim politika me qendër Beogradin në Ballkan”, thuhet në letër.

Politikanët e huaj po bëjnë thirrje për kthim në ekuilibër në marrëdhëniet mes Kosovës dhe Serbisë.

LEXONI GJITHASHTU:

• Qëlloi me armë të dashurën, prokuroria kërkon 13 vite burg për reperin e njohur
• U kap në flagrancë duke shitur ekstazi, arrestohet 27-vjeçari në Gjirokastër