Euronews Albania raporton nga zjarret në Greqi, ekipi shqiptar në luftë me flakët

Një ditë më parë, Shqipëria iu përgjigj thirrjes së Greqisë, duke vënë në gatishmëri 58 efektivë, 10 mjete nga Forcat e Armatosura dhe strukturat e mbrojtjes civile për të ndihmuar shtetin fqinj në shuarjen e zjarreve.

Për ndihmën nga Tirana ka reaguar edhe kryeministri grek Mitsotakis, i cili ka falënderuar Shqipërinë. Vendi ynë, si pjesë e Mekanizmit Europian të Mbrojtjes Civile, dërgoi strukturat zjarrfikëse nga disa bashki të juglindjes në afërsi të shtetit fqinj në dy pikat kufitare Kapshticë dhe Kakavijë në pritje të konfirmimit nga pala greke për ndërhyrje në zonat ku ata kanë nevojë.

Aleksandropoli është një nga zonat e Greqisë, e cila po përballet me situatën e vështirë të krijuar nga vatrat aktive. Së bashku më grupet që kanë udhëtuar drejt Aleksandropolit në Greqi është edhe gazetari i Euronews Albania, Xhensil Shkëmbi.

Ai raportoi nga ajo zonë duke konfirmuar se situata ka shkuar drejt normalizimit.

LEXONI GJITHASHTU:

• Zjarr në një bllok apartamentesh në Korçë, zjarrfikësja në vendngjarje
• Zjarrfikësit shqiptar në Greqi/ Drejtuesi i ekipit: Trupat nuk do na zhgënjejnë