Bashkëpunonin për të shitur kokainë, kapen në flagrancë dy të rinjtë në Korçë

Është finalizuar me arrestimin e dy presonave operacioni policor i koduar “Night sales 5”.

Një vajzë A. F., 24 vjeçe  dhe një  djalë, K. F., 28 vjeç u ndaluan nga policia teksa lëviznin me një makinë të cilën 28-vjeçari e drejtonte pa pasur leje drejtimi. Në makinë, atyre ju gjet gjet një sasi lënde e dyshuar narkotike kokainë, e ndarë në doza të gatshme për shitje

Sipas njoftimit të plicisë atyre ju është sekuestruar makina, një sasi lënde narkotike kokainë, e ndarë në doza të gatshme për shitje, si dhe 1 celular.

Njoftimi i policisë

Specialistët e Seksionit për Hetimin e Narkotikëve të DVP Korçë, në vazhdën e operacioneve me fokus goditjen e veprimtarisë kriminale të shitjes së lëndëve narkotike, në doza, në zona të ndryshme të qarkut, finalizuan operacionin policor të koduar “Night sales 5”, si rezultat i të cilit u arrestuan në flagrancë shtetasit K. F., 28 vjeç dhe A. F., 24 vjeçe, të dy banues në Korçë.

Në bazë të informacioneve të siguruara nga inteligjenca policore, për veprimtarinë kriminale të këtyre 2 shtetasve, në lagjen nr. 1, Korçë, u ndalua automjeti me drejtues 28-vjeçarin dhe ku ishte pasagjere shtetasja A. F.

Nga kontrollet, shtetases A. F. iu gjet një sasi lënde e dyshuar narkotike kokainë, e ndarë në doza të gatshme për shitje, ndërsa nga verifikimet, rezultoi se shtetasi K. F. lëvizte  me automjet, i papajisur me leje drejtimi, dyshohet për të shpërndarë dozat e kokainës.

Dozat e kësaj lënde narkotike, automjeti dhe 1 celular u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Policia e Gjirokastrës: 8 shoferë janë arrestuar në flagrancë dy javët e fundit
• Hetuesit rusë konfirmojnë vdekjen e Prigozhinit