Masa shtesë sigurie për Altin Dumanin, kreu i SPAK lëviz me makinë të blinduar

Masa shtesë janë marrë për ruajtjen e sigurisë së kreut të Prokurorisë së Posaçme.

Sipas burimeve prej 2-3 javësh Altin Dumani lëviz me makine te blinduar ndërsa pranë shtëpisë se tij është shtuar një grup policor për ruajtje.

Vetëm gjatë javëve të fundit, SPAK ka ndërmarrë një sërë operacionesh që kanë çuar në pranga persona të inkriminuar, zyrtarë ose jo, duke e vënë në shënjestër këtë institucion dhe të deklaratave politike.

Gjthashtu pritet që në fillim të shtatorit të krimi disa operacione të tjera të rëndësishme nga struktura anti-korrupsion.

Gazetari Eni Ferhati tha në një lidhje direkte për Euronews Albania, se sipas informacioneve, kreu i SPAK nuk ka marrë ndonjë kërcënim. Sipas tij masat shtesë janë marrë për shkak edhe të situatës që është krijuar, ku institucioni që ai drejton po godet emra të rëndësishëm të krimit të organizuar por edhe të politikës.

“Kreu i SPAK ruhet dhe siguria e tij është punë e gardës së republikës, por krahas tyre, tashmë në ruajtjen e sigurisë së tij është angazhuar edhe policia e shtetit. Sipas informacioneve të deritanishme nuk kemi të bëjmë me një kërcënim, por me situatën në të cilën ndodhet tani Prokuroria e Posaçme, e cila ka qenë tepër aktive dhe gjatë muajit gusht. Vetëm për Altin Dumanin kemi mësuar se janë shtuar disa masa sigurie, ndërsa patjetër edhe prokurorët e tjerë patjetër që ruhen për shkak të pozicionit që ata kanë”,-tha gazetari.

LEXONI GJITHASHTU:

• SPAK nis hetimin pasuror për të arrestuarit e operacionit “Metamorfoza”
• Çështja Ahmetaj| Çfarë mbante në dorë Dumani kur u fut në Kuvend, mesazhi