Dyndje e tifozëve, specialisti i trafikut Baka: Nuk pati incidente gjatë ndeshjes

Gerhard Baka, specialist i trafikut rrugor i ftuar në emisionin “Good Morning Albanians” në Euronews Albania, tregoi si ishte situata mbrëmjen e djeshme ku dhe u zhvillua ndeshja Shqipëri-Poloni, ku kuqezinjtë arritën në rezultatin 2-0.

Ai tha se mbrëmjen e djeshme nuk kishte incidente por as aksidente rrugore, ndërsa shtoi se forcat policore ishin plotësisht të angazhuara për menaxhimin e situatës.

Më tej Baka tha se policia ka punuar me kapacitet të plotë deri në orën 2  të mëngjesit ndërsa më pas situata është kthyer normalitet dhe efektivët kanë vijuar punën e tyre normalisht.

“Për hir të së vërtetës pati një dyndje tifozësh në rrugët kryesore të kryeqytetit por që nuk kemi pasur incidente. Vlen të theksohet se përveç se disa konflikteve të momentit të tifozëve. Nuk ka pasur aksidente. Shërbimet kanë qenë deri në orën 2 të mëngjesit, deri sa  çdo gjë është kthyer në normalitet. Ka pasur dyndje të tifozëve por s’ka pasur incidente. Pas orës 2 shërbimet e policisë  rrugore kanë vazhduar aktivitetin e tyre të përnatshëm, ku kanë bërë kontrolle dhe testet e alkoolit”- tha ai.

LEXONI GJITHASHTU” 

• Rama për fitoren e Shqipërisë ndaj Polonisë: Kuqezinjtë nxorën në krye të grupit
• Maturanti nga “Petro Nini Luarasi”: Status të mësosh këtu, shkolla e duhur