Mbledhja Berisha-Bardhi, Salianji: Të përjashtohet nga grupi kushdo që…

Vetëm 5 ditë para zgjedhjeve të pjesshme në Kukës, deputetët demokratë mbështetës të grupimeve të Berishës dhe Bardhit janë mbledhur këtë të martë në qytetin e Kukësit.

Për takimin, deputetët demokratë u njoftuan gjatë fundjavës dhe është në vazhdën e takimeve që kanë zhvilluar deri më tani në kryeqytet me qëllim për-bashkimin e qëndrimeve të dy grupimeve të deputetëve.

Deputeti demokrat Ervin Salianji gjatë mbledhjes mësohet të ketë kërkuar mbajtjen e një qëndrimi që qartë për reformën zgjedhore dhe listat e hapura. Sipas Salianjit, kushdo që voton pro qeverisë  në kundërshtim me vullnetin e shumicës së grupit duhet të përjashtohet nga grupi.

“Të kemi qëndrim të qartë për reformën zgjedhore, ka vite që jam shprehur për lista të hapura por duhet të qartësojmë “pazarin” për lista me prim.  Kushdo që voton pro qeverise dhe bashkohet me ta në kundërshtim me vullnetin e shumicës së grupit parlamentar të PDSH duhet të përjashtohet nga grupi!  Formacionet ndihmës-qeveritare nuk mund të kamuflohen si deputetë opozitarë!” mësohet të jetë shprehur Salianji.

LEXONI GJITHASHTU:

• Deputetët e PD takim në Kukës, Bardhi dhe Berisha bashkojnë forcat për zgjedhje
• Grupi i deputetëve Berisha-Bardhi do mblidhen të martën në Kukës