‘Djokoviç më i miri në histori’, Nadal elozhe serbit: Arritje të padiskutueshme

Novak Djokoviç aktualisht renditet si tenisti numër 1 në botë, ndikuar këtu nga triumfi i fundit në US Open duke lënë pas Alcaraz. 36-vjeçari po kalon një periudhë të artë në karrierën e tij, ndërsa numëron dhjetëra trofe të fituar.

Suksesin e Djokoviç e ka vlerësuar një tjetër sportist elitar, Rafael Nadal. Ky i fundit ka shkuar larg me deklaratën e tij, duke pohuar se Novak Djokoviç është tenisti më i mirë në histori.

“Unë mendoj se shifrat janë shifra dhe statistikat mbeten statistika. Në këtë pikë, Novak Djokoviç ka rezultate më të mira se të miat dhe ky është një fakt i padiskutueshëm. Sa i përket titujve, mendoj se Novak është më i miri në histori e nuk kemi se çfarë të diskutojmë më tepër rreth kësaj”, tha Nadal.

Nadal ka qenë po ashtu një sportist i suksesshëm, por dëmtimet e shpeshta kanë pasur ndikim të drejtpërdrejt.

“Si gjithmonë, të gjithë mund ta shohin historinë si të duan, duke thënë se kam pësuar shumë lëndime. Fat i keq për mua ose fat i keq që trupi im është ndërtuar në këtë mënyrë”, u shpreh ai.

Kur vjen puna tek trofetë, Nadal nuk mbetet pas. Spanjolli ka fituar në karrierën e tij 22 Grand Slame.

LEXONI GJITHASHTU:

• Djokoviç revansh ndaj Alcaraz, tenisti serb mposht rivalin spanjoll
• Djokoviç ‘shkëlqen’ në Londër, tenisti serb fiton mes spektaklit, mposht Kaçin