Xhelal Sveçla: Nëse Vuçiç futet në Kosovë pa lejen e qeverisë, do arrestohet

Ministri i punëve të brendshme të Kosovës, Xhelal Sveçla tha në Euronews Albania se çdokush që do tentojë të futet në territorin e Kosovës, jashtë rregullave normale të një shteti sovran do të arrestohet, qoftë ky presidenti i serbisë Aleksandër Vuçiç.

Ai tha se kjo do të ishte një sjellje normale dhe nuk ka çfarë të diskutohet apo të vihet në dyshim, pasi çdo shtet i pavarur dhe sovran do të vepronte në këtë formë.

“Kushdo që futet në republikën e Kosovës, jashtë rregullave normale të një shteti sovran, ai është subjekt i ligjit. Aleksandër Vuçiç është një agresor në raport me republikën e Kosovës. Posaçërisht ai do të arrestohet, nëse futet në territorin e republikës së Kosovës pa lejen e republikës së Kosovës.

Nuk ka këtu çfarë të diskutohet dhe as çfarë të vihet në dyshim. Kjo është një sjellje normale e çdo shteti sovran dhe do të ishte jo vetëm papërgjeshmëri por edhe dështim i gjithë institucioneve nëse kjo ndodh e ne nuk marrim ndërveprime. Ne jemi votuar për t’i shërbyer shtetit të pavarur dhe sovran të shtetit të Kosovës, për ta fuqizuar atë duhet që rendi dhe ligji të veprojnë”,-tha Xhelal Sveçla.

LEXONI GJITHASHTU:

• Atentati në Rrëshen| Tre të plagosurit dërgohen te Trauma, si është gjendja e tyre
• Atentati që mund të kishte shkaktuar tragjedi, edhe 3 të plagosur në Rrëshen