Berisha pret raporterët e Këshillit të Evropës: Të rishikohet reforma në drejtësi

Ish-kryeministri Sali Berisha priti sot në një takim një delegacion të raporterëve të Asamblesë Parlamentare të Këshillit të Europës të përbërë nga Asim Mollazada, Jonut Stroe, Bas Klein dhe Giulia Re, shefe e zyrës së KiE në Shqipëri.

Në një deklaratë të shpërndarë për mediat bëhet me dije se Berisha i ka informuar raporterët lidhur me zgjedhjet  e fundit ndërsa ka theksuar se zgjidhja e marrëdhënies krim-zgjedhje është një nga pikat ku KiE duhet të japë kontribut.

Një pistë e dytë ku Berisha kërkoi ndihmën e KiE është edhe sistemi i drejtësisë, i cili sipas tij i paralizuar.

“Berisha i kërkoi dërgatës së KiE që të ndërmjetësojnë për një ndërhyrje të Komisionit të Venecias për një rishikim të reformës së drejtësi në Shqipëri. ‘Kjo reformë ka qenë politikisht e motivuar’, thuhet në deklaratën e shpërndarë për mediat.

LEXONI GJITHASHTU:

• “S’e bëjmë dot fajtor”, gazetari: Berisha humbi 1 bashki, Basha gjithë ato
• Analisti: Berisha në Kukës donte të mundte opozitën, jo Ramën