U kap teksa largohej me një automjet që sapo kishte vjedhur, ndalohet 14-vjeçari

Një 14-vjeçar është ndaluar në Fier pasi së bashku me dy të mitur të tjerë kanë vjedhur 3 makina.

14-vjeçari është kapur në flagrancë duke u larguar me automjetin e vjedhur në lagjen “11-janari”.

“Në vijim, nga veprimet hetimore të kryera rezultoi se ky shtetas, në bashkëpunim me 2 të mitur të tjerë (të proceduar penalisht më parë, në gjendje të lirë), ka vjedhur gjatë periudhës gusht-shtator 2023, dhe 3 automjete”-njofton policia.

Veprimet procedurale me 14-vjeçarin janë kryer në prani të avokatit, psikologut, punonjëses së NJMF-së dhe kujdestarit ligjor të 14-vjeçarit.

Vijojnë hetimet për të zbardhur vjedhje të tjera që mund të kenë kryer këta të mitur.

LEXONI GJITHASHTU: 

• Rama nga Roma: Tajani dha premtimin se marrëveshja për pensionet do finalizohet
• Grabitet shtëpia e Ramos, hajdutët marrin ora luksoze dhe sende me vlerë