“Grupi kriminal ka gjetur terren”, Imeraj: Ka disbalancë në sistemin e drejtësisë

Ish-prokurorja Elizabeta Imeraj, e ftuar në emisionin “Review’ në Euronews Albania, foli në lidhje me kërcënimet që i janë bërë gjyqtarëve dhe prokurorëve.

Ajo theksoi se grupi kriminal ka fituar terren dhe ndërvepron më së miri, duke theksuar se ka disbalancë në sistemin e drejtësisë.

“Duke u nisur nga fjalët e të penduarit  që ky grup kriminal e ka shtrirjen në disa qytete, dhe ky grup dëshmon që ka gjetur terrenin dhe mekanizmin për të mirëvepruar aty. Ne i kemi kushtuar rëndësi vetëm një ane, të përjashtojmë nga sistemi ata që kanë qenë në listë për t’u përjashtur dhe nga ana tjetër ka mbetur pa u prekur pjesa që sistemi është i përhershëm. Ne kemi krijuar disbalancën në mënyrën më të keqe të mundshme për të bërë një reformim siç bëjmë gjithmonë”-tha ajo.

LEXONI GJITHASHTU: 

• “I pëlqejnë ushqimet pikante e të ecë buzë detit”- Mbreti i botës në shah në Durrës
• Kasapi zbulon hilet me mishin: Ku duhet të kenë kujdes blerësit