Tirana vishet kuqezi! Atmosfera para ndeshjes së kombëtares, tifozët: Sot do fitojmë

Edhe pse disa orë na ndajnë nga ndeshja Shqipëri-Çeki, tifozët duket se po e shfaqin entuziazmin e tyre që tani.

Sheshi Skënderbe dhe shumë lokale në Tiranë, janë “pushtuar” nga tifozët kuqezinj të cilët janë shfaqur shumë optimist dhe u shprehën se kombëtarja do të shënojë fitore.

Madje disa prej tyre kishin pritshmëri shumë të larta:

“Rezultati 5-0. Kam ardhur nga Deçani. Nuk e di kush do shënojë gola, por e di që Shqipëria do fitojë”,-u shpreh një tifoz.

Ajo që binte në sy ishte prezenca e shumë shqiptarëve nga Kosova dhe nga Maedonia e Veriut të cilët kanë ardhur për të mbështetur kombëtaren në këtë ndeshje të rëndësishme.

“Vij nga Gjakova. Sot do dalim 2-0. Do shënojë Uzuni dhe Çikaleshi”.

“Mjafton të dalim 2-0 dhe golat ti shënojnë shqiptarët. Unë vij nga Gjakova i ndjek gjithnjë ndeshjet e Kombëtares. Atmosfera është perfekte.”,-tha tifozi.

“Do fitojmë 1-0, dhe do shënojë Asllani”,- u shpreh çifti nga Struga.

LEXONI GJITHASHTU:

• Brenda “ferrit” në Gaza: Banorët, jetesë mes rrënojave de radhëve të gjata për bukë
• Balla thirrje tifozëve: Jo dhunë dhe mjete piroteknike, rrezikojmë penalizimin