Kreu i Hamasit: Palestinezët nuk do largohen në Egjipt, do qëndrojmë në tokën tonë

Udhëheqësi i Hamasit ka thënë se palestinezët nuk do të largohen nga Gaza apo Bregu Perëndimor dhe të evakuohen në Egjipt.

Ismail Haniyeh, i cili drejton organizatën militante islamike palestineze, i bëri komentet gjatë një fjalimi televiziv.

Në një pjesë të fjalimit duke iu drejtuar Egjiptit, ai tha: “Vendimi ynë është të qëndrojmë në tokën tonë”.

Deklaratat e liderit të Hamasit vijnë në një kohë kur Izraeli ka njoftuar nisjen e ofensivës ushtare mbi Gaza.

Situata në enklavë është përkeqësuar ndjeshëm, teksa ushqimi po reduktohet ndjeshëm.

Banorët nuk po furnizohen me ujë, energji elektrike dhe karburant, duke e bërë situatën tepër alarmante.

Nuk ka energji, ujë apo lëndë djegëse në Gaza dhe ushqimi po shkon “rrezikshëm”, ka paralajmëruar shefi i ndihmës i OKB-së.

Në një deklaratë të postuar për X, shefi i ndihmës së OKB-së, Martin Griffiths tha se spitalet atje janë “të mbingarkuara” dhe “duke u mbaruar pa ilaçe”.

Situata humanitare në Gaza po “bëhet me shumë shpejtësi e paqëndrueshme”, shkroi ai.

Griffiths tha se shtëpitë, shkollat, qendrat shëndetësore, si dhe vendet e adhurimit të Gazës janë bombarduar, me zona të tëra “të rrafshuara me tokë”.

Ai tha se retorika nga të dyja anët e konfliktit ka qenë “jashtëzakonisht alarmante dhe e papranueshme”.

“Edhe luftërat kanë rregulla dhe këto rregulla duhet të respektohen në çdo kohë dhe nga të gjitha palët,” tha ai, duke thënë se civilët duhet të lejohen të largohen për në zona më të sigurta.

LEXONI GJITHASHTU: 

• Izraeli nis sulmin në shkallë të gjerë, Euronews Albania siguron videot ekskluzive
• Pamje Ekskluzive nga Euronews Albania. Raketat mbi qytetin Ashkalon në Izrael
• Sirena alarmi e raketa në qiell, Euronews Albania kap momentet dramatike nga lufta