“Po na dhunoni”, Gogu përplaset me Boçin: Na kënaqët, boll me predikime

Deputeti i Partisë Socialiste, Toni Gogu u përplas me ish-deputetin demokrat Luçiano Boçi në studion e “Now me Erla Mëhillin” për zhvillimin e seancës së sotme të Kuvendit.

Gogu tha se opozita vijon të dhunojë mazhorancën rregullisht, ndërsa Boçi ironizoi duke pyetur nëse dhe kryeministri Rama është kaq i ndjeshëm sa deputetët.

“Nëse nuk e kuptoni dhunën sepse jeni familjarizuar shumë me të, nuk është problemi im, por të ndërpresësh dikë i cili sapo të ka dëgjuar me vëmendje dhe të ka lejuar që ta shprehësh mendimin tënd dhe është i gatshëm që atë opinionin që ti thua t’i përplasi me një opinion ndryshe, do të thotë që nuk kupton dhunën. Dhuna është problemi! Fillon me ndërprerjen e mendimit dhe pastaj shkon deri në ndërprerjen e seancës parlamentare,” – u shpreh Gogu.

“Dhuna është te dritat, i fiken dritat në Kuvend deputetit, e kupton ku jeni ju apo jo. Jeni bërë qesharak! Tani bëni dhe predikime ju për vlera, për parime. O ç’na kënaqët, lum kush ju dëgjon,” – ia ktheu Boçi.

LEXONI GJITHASHTU:

• Gazetari: Opozita e Bashës është e dorëzuar! E tregoi sot në Kuvend
• Kaos në Kuvend, Braçe: Film! S’është detyra jonë të njohim kryetarin e PD-së