“Vuçiç po tërhiqet”/ Eksperti: Ja kush po përgatitet të marr pushtetin

Eksperti Drizan Shala ka komentuar situatën në Veri të Kosovës dhe politikat që po ndjek Serbia.

Në një intervistë për Euronews Albania, ai theksoi se një nga klanet kryesore që kanë ndikuar dhe tek procesi politik ishte Klani i Zemunit.

Më tej ai shtoi se Klani i Novi Sad nuk është se ka një bazament të tij në aspektin mafioz, por më shumë i referohet një faze të re.

“Një nga klanet kryesore që kanë determinuar dhe procesin politik ishte Klani i Zemunit  që në kuadër të këtij klani kanë vepruar  dhe 25 grupe të caktuara. Të gjitha këto formacione i kanë ndihmuar në kohë të caktuara dhe ndikime të caktuara  politike për të  avancuar interesat e tyre drejt realizimit të një interesi të përbashkët që është mbajtja e situatës së tensionuar. Pjesë përbërëse e këtij plani, ishte Aleksandër Vuçiç, Aleksandër Vulin, por dhe vëllai dhe djali i Vuçiç.

Klani i Novi Sad nuk është se ka një bazament të tij në aspektin mafioz, por më shumë i referohet një faze të re. Udhëheqësi i Ministrisë së Mbrojtjes vjen nga Novi Sad, ka udhëhequr këtë qytet. Ky është një ndryshim politik i klanit të tij. Është një ndryshim epokal të ndryshimeve politike”-tha ai.

LEXONI GJITHASHTU: 

• Balla propozon ndryshime në kodin penal për rritjen e sigurisë në shkolla
• Sekuestrohen 169 kg marijuanë në Greqi, arrestohen 4 shqiptarë e 2 grekë