Studentët e mjekësisë takim me rektorin Gjata, kushti për të mbyllur bojkotin

Studentët e Mjekësisë kanë vazhduar me bojkotin dhe protestat e tyre kundër ligjit që i detyron ata të qëndrojnë në Shqipëri pas përfundimit të studimeve.

Këtë të hënë 6 përfaqësues të studentëve të fakultetit të mjekësisë, kanë zhvilluar takim me rektorin Arben Gjata.

Ata kanë kërkuar prej rektorit t’u japë një shkresë se do t’i mbështesë deri në vendimin e Gjykatës Kushtetuese, ndërsa janë shprehur se sapo të marrin shkresën do të kthehen në mësim

Gazetarja e Euroneës Albania, Ortensa Budlla tha në një lidhje direkte se cilat ishin tre kërkesat që këta studentë i kanë bërë rektorit Arben Gjata.

“Pika numër 1, kërkohet deklarimi i zotit Gjata se universiteti nuk do të paraqesë asnjë kontratë deri në përfundimin e çështjes së dërguar nga studentët në Gjykatën Kushtetuese; pika e dytë është deklarimi publik i zotit Gjata se universiteti dhe ai personalisht janë në krah të studentëve dhe pika e tretë është marrja e masave nga rektori për të mos lejuar pedagogët të ushtrojnë presion kundër studentëve në mënyrë që të mos ketë asnjë penalizim sa i takon bojkotit të tyre”.

Kujtojmë se bojkoti i studentëve të mjekësisë ka filluar që me nisjen e vitit akademik.

LEXONI GJITHASHTU:

• Lufta Izrael-Hamas, ish-zyrtari amerikan zbulon pse dështuan negociatat për pengjet
• Lajçak zbulon çfarë ndodhi në takimet në Bruksel të Kurtit dhe Vuçiçit