Ironizon Blerina Gjylameti: Salianjit nuk i ndez fitili, e provoi

Deputetja e PS, Blerina Gjylameti ironizoi në emisionin Now në Euronews Albania aksionin e opozitës gjatë seancës së sotme në Kuvend që përfundoi me tensione mes deputetëve.

Teksa komentoi ndezjen e tymueseve nga deputeti Ervin Salianji, Gjylameti tha se atij iu deshën 3 flakadanë që të ndizte tymuesen se i ishte djegur fitili.

“Kishte nja tre flakadanë të skaduar, se i ishte lagur fitili, siç i është lagur opozitës. Kjo që ndodh me opozitën sot është fatkeqësi”, tha ajo.

Sipas saj, episodet e dhunës që u panë sot në kuvend nuk bën krenar askënd dhe e kthen vendin shumë vite prapa.

“Nuk mund të rikthejmë Shqipërinë në vitet e errëta të parlamentarizmit. Nuk bën njeri krenar episodet e dhunës, nga parlamenti që është tempulli i demokracisë nuk duhet të përplasen grushtet dhe karriget, kjo e sotmja ishte e paralajmëruar dhe në ditët që diskutohej ligji më i rëndësishëm i shtetit që është buxheti”, tha Gjylameti.

LEXONI GJITHASHTU:

• Tym e flakë në Kuvend, Salianji: Do përshkallëzojmë aksionin në Parlament
• Kaos në Kuvend, Ervin Salianji hedh tymuese në sallë. Qëllohet me karrige