Izolohen banorët e Dukagjinit/ Rinisin punimet në rrugën e bllokuar, por duhet kohë
Pas ngjarjes së rëndë të ndodhur gjatë punimeve në rrugën që lidh Shkodrën me Dukagjinin ku humbi jetën eskavatoristi, ka rinisur puna në terren.
Pavarësisht ritmeve të shpejta të punimeve, rruga vijon të jetë e bllokuar dhe e vetmja formë për të kaluar është në këmbë.
Banorët thonë se zhbllokimi i rrugës është i domosdoshëm ndërsa vlerësojnë ndërtimin e rrugës së re.
“Karma e Kirit është më e vështira këtu. Shumë e rrezikshme . E kanë humb jetën Karmës së Kirit shumë persona. Ishalla po bëhet mirë me na e hap se po mbarojnë fëmija dhe ca janë në Dukagjin e ca vijnë , tanë vijnë prej Shalës prej asaj rruge.”
Në kantierin e ndërtimit po punohet nga kilometri zero deri në pikën 2.7 km shpjegon inxhinieri i firmës. Për hapjen e rrugës po pritet ndërhyrja e forcave të specializuara të xhenios në Tiranë për të bërë minosjen dhe më pas shpërthimim e komanduar të masivit shkëmbor.
“Po bëjmë disa vende ku është shembur pjesa e skarpatës , po pastrojmë deri në momentin që të lirohet pjesa e rrugës, të bëhen minat dhe të lirojmë rrugën për Dukagjin. Reshjet krijojnë vazhdimisht sidomos këtë dimër do të krijojnë shqepje të shkëmbinjve pjesa që është e rrëshqitshme, varet tek struktura e tokës”,- tha Fatbardh Halili, teknik i firmës kontraktuese.
Aksi rrugor Prekal – Lotaj, është segmenti i parë rrugës ku kanë nisur punimet për ndërtimin e rrugës së Dukagjinit. Pas pezullimit disa ditor të punës pas aksidentit tragjik, firma kontraktuese po vijon punën dhe pritet shpërthimi i telekomanduar për të shembur pjesën e masivit të malit çka do të zgjidh pikën në të cilën përben rrezikshmëri për jetën e banorëve por edhe punonjësve të firmës që po bëjnë ndërtimin e këtij segmenti rrugor.
Deri në këtë ndërhyrje, sërisht banorët e Dukagjinit do të vijojnë të ecin kilometra të tëra në këmbë për të shkuar në shtëpitë e tyre.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 13:36 Prishtina solidarizohet me Tiranën, protestë kundër investimit në Zvërnec
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës
- 13:28 Bordi i Transparencës publikon çmimet e reja të karburanteve, sa do shitet nafta dhe benzina
- 13:22 Presidenti finlandez propozon një BE me 40 anëtarë, përfshirë Kanadanë
- 13:09 Kosta me Vuçiç: Dialogu Kosovë-Serbi dhe marrëveshja e Ohrit, jetike për sigurinë e rajonit
- 12:55 Shpërthim tritoli në derën e një dyqani në Laç, panik te qytetarët