“Rrëzuan ‘Kushtetuesen’ për lejet e tubimeve”- Vasili: Parlamenti është marrë peng

Nënkryetari i Partisë së Lirisë, Petrit Vasili, është shprehur se Parlamenti në Shqipëri është marrë peng nga një grup mafioz që punon për interesat e tyre.

Komentet Vasili i bëri përmes një deklarate jashtë ambienteve të Kuvendit, ku tha se ditën e sotme maxhoranca rrëzoi Gjykatën Kushtetuese, e cila kishte kërkuar heqjen e detyrimit për marrjen e lejeve për zhvillimin e tubimeve.

Ai shtoi se maxhoranca pasi vodhi me bordet e karburanteve, vendosi sot që të rrëzojë edhe nismën për uljen e çmimit të karburanteve.

“U hodh poshtë vendimi i Gjukatës Kushtetuese lidhur me tubimet. Pasi GJK ka kërkuar 2 vite e gjysmë më parë që të hiqet detyrimi i kërkimit të lejes për tubimet, sot u rrëmbye edhe GJK. Parlamenti me 75 kartona rrëzoi edhe GJK. Rrëzuan njëkohësisht edhe projektligjin për uljen e çmimit të karburantit.

Pasi miratuan bordet e hajdutëve që vodhën dynjanë, që u rrëzuan nga të gjitha anët, e rrëzuan edhe atë ligj. Duhet të kuptoni që ky është një Parlamenti marrë peng nga një grup mafioz. GJK u rrëzua, Kushtetuta e rrëzua dhe u mor peng nga ky Parlament horrash që rrinë atje”, u shpreh Vasili.

Kujtojmë se ditën e sotme seanca plenare u përfshi nga kaosi, pasi deputetët e opozitës në shenjë proteste përmbysën karriget dhe ndezën tymuese.

LEXONI GJITHASHTU:

• Tensionet në Kuvend, Berisha: Do të vazhdojmë betejën, është aksion pa kthim
• Kaos në Kuvend, deputetët e opozitës hedhin tymuese. Tymi pushton sallën