Studimi për kancerin kolorektal/ ISHP: Nga 2015 deri në 2021 rastet në rritje

9 Nëntor 2023 | 16:17

Kanceri i zorrës së trashë, i quajtur ndryshe kanceri kolorektal,  ka ardhur duke e rritur numrin e  rasteve të pacienteve që prek.

Specialistët e Institutit të shëndetit publik kanë marrë në analizë situatën e përhapjes së kësaj sëmundjeje nga viti 2015 deri në vitin 2021.

 Të dhënat tregojnë se incidenca e këtij kanceri është rritur nga 6,6 raste për 100 mijë banorë në 2015 në 10,9 raste në 2021.

Konkretisht numrin më të lartë të rasteve e hasim në vitin 2017 me 430 raste dhe në vitin 2021 me 492 raste, ku haset edhe incidenca më e lartë në 10 vitet e fundit.

Risku për t’u diagnostikuar me kancer të zorrës së trashë rritet me moshën.

Ekspertët bëjnë me dije se kjo rritje është sidomos e shpejtë mbi moshën 50 vjeç për të arritur kulmin në të 60-at.

Prirja e rritjes së riskut ngadalësohet mbi 70 vjeç.

Shumica dërrmuese e rasteve rreth 85% diagnostikohen mbi moshat 50 vjeç dhe nuk ka ndonjë prirje për rritje të rasteve mes grup-moshave më të reja.

Sa I takon shpërndarjes gjeografike vërejmë se incidenca rezulton të jetë mesatarisht më e lartë në qarqet e Vlorës dhe Beratit. Qarqe me nivel të incidencës më të lartë se mesatarja e vendit janë edhe Kukësi, Korça, Gjirokastra e Dibra.

Tirana, Fieri e Durrësi kanë incidencë krahasimisht të ulët, por megjithatë, totali i rasteve të reja në popullatën e qarkut Tiranë përbën rreth një të tretën e totalit të rasteve të raportuara gjatë kësaj periudhe nga gjithë vendi.

Kanceret e zorrës së trashë përbëjnë 6%-7% të totalit të rasteve të reja të diagnostikuara në vit, ndërsa sa i takon vdekshmërinë ato përbëjnë 6.2% ndaj totalit të fataliteteve të shkaktuara nga tumoret.

LEXONI GJITHASHTU: 

Home Kryefaqja
Shiko në: YouTube
Lajme të Sugjeruara

U plagos në Maliq, efektivi i nënshtrohet një ndërhyrjeje kirurgjikale

Efektivi i plagosur, Edison Adri i është nënshtruar një ndërhyrjeje kirurgjikale në pjesën e nofullës. Burime bëjnë me dije se operaciono ka rezultuar i suksesshëm...
15:04 | 04/06/2026

Miratohet projektligji për CENSI-n e bujqësisë, fermerët që nuk përgjigjen, do të gjobiten

Qeveria ka miratuar projektligjin “Për censin e bujqësisë”, një proces që synon të regjistrojë në mënyrë të plotë njësitë ekonomike bujqësore në të gjithë territorin...
14:46 | 04/06/2026

Erion Braçe del kundër Ramës për Zvërnecin (VIDEO)

Deputeti Erion Braçe ka folur lidhur me mënyrën se si po trajtohet publikisht projekti i investimit strategjik në Zvërnec. Në një reagim publik, Braçe theksoi...
14:05 | 04/06/2026