Vendosja e kryqit në Tetovë, gazetarja: Shenjëzim i territorit në trevat shqipfolëse

Një kryq i vendosur në zonën e “Kodrës së Diellit” pranë qytetit të Tetovës, ka nxitur debate të ashpra në Maqedoninë e Veriut.

Korrespondentja e Euronews Albania, Ferikan Iljazi, solli përmes një lidhjeje të drejtpërdrejt nga Shkupi, detaje nga situata e krijuar.

Iljazi tha se qyteti i Tetovës është me shumicë popullsie të shqiptarëve etnikë, të besimit myslimanë dhe ndaj ka pasur reagime të ashpra, pasi është parë si një provokim nga autoritetet maqedonase.

Sakaq ajo shtoi se kryqet në Maqedoninë e Veriut shpesh përdoren nga autoritetet maqedonase si simbole për të shenjuar territorin se aty ka popullsi maqedonase, kur për Tetovën nuk është rasti.

“Në Maqedoninë e Veriut gjithkund ku janë vendosur Kryqe të tilla gjigande ka pasur reagime të ashpra nga shqiptarët etnikë, pasi është marrë si provokim apo si shenjim territori se aty ka shumicë maqedonase dhe jo shumicë shqiptare. Ky është shkaku se pse ndjeshmëria e këtij rasti është shumë e madhe dhe akuzat e partive politike shqiptare janë më të të mëdha. Pasi asnjëra nuk pranon që ka pasur ndikimi eventual në vendosjen kryqit”, tha Iljazi.

LEXONI GJITHASHTU:

• Vendoset kryqi 15 metra i lartë në Tetovë, reagojnë partitë politike shqiptare
• Kryqi i Kuq ngre alarmin: Spitalet në Gaza do kthehen në varreza masive