Grabitje me armë zjarri në Kosovë, plagoset një efektiv policie

Një grabitje me armë zjarri raportohet të ketë ndodhur në një dyqan në Suharekë të Kosovës.

Lajmin e ka bërë të ditur Policia e Kosovës përmes një njoftimi, ku thuhet se pas mbërritjes së efektivëve në vendngjarje, ka pasur një konfrontim me grabitësit.

Nga konfrontimi ka mbetur i plagosur me një plumb në këmbë njëri prej efektivëve të Policisë, i cili fatmirësisht ndodhet jashtë rrezikut për jetën.

Ndërkohë po punohet për zbardhjen e plotë të rrethanave të ngjarjes.

Njoftimi i Policisë:

Policia ka pranuar informacion se në një dyqan zyrtar në Suharekë ka ndodhur një grabitje. Reagimi policor ka qenë i menjëhershëm dhe me të arritur në vendin e ngjarjes, zyrtarët policorë kanë hasur në konfrontim. Si pasojë e përdorimit të armës së zjarrit, një zyrtar policor ka marrë plagë në këmbë nga një plumb. Zyrtari policor është duke marrë trajtim mjekësor dhe është jashtë rrezikut për jetën.

LEXONI GJITHASHTU:

• Stoltenberg mesazh të fortë nga Prishtina për stabilitetin në rajon
• Stoltenberg takon Osmanin: Sulmet në Veri të papranueshme, kemi reaguar me shpejtësi