Abazoviç mban fjalën në Samitin e Diasporës: E shoh të ardhmen në politikën paqësore

Kryeministri në detyrë i Malit të Zi, Dritan Abazoviç ka mbajtur fjalën në Samitin e Diasporës në Tiranë.

Në fjalën e tij ai u shpreh i bindur se të ardhmen e sheh në politikë paqësore. Ai theksoi se i gjithë qëllimi është që i gjithë Ballkani Perëndimor te jetë në BE.

Më tej ai shtoi se shpreson se kur të mblidhet Samiti i katërt, mes shteteve të mos ketë probleme.

“Në Mal të Zi ka ndodhur diçka që para tre vitesh askush nuk ka mundur me e paramenduar. Në krye të vendit ka ardhur dikush nga një pakicë. Kemi treguar  se nëse kemi një vetëbesim mundemi me bërë gjëra që janë mrekullira. Kjo që ka bërë Shqipëria në 10 vitet e fundit, ishte vërtetë një mrekulli. Sot Shqipëria  ka një fezibilitet ndërkombëtar që kurrë nuk ka mujt me i paramenduar. Se kemi menduar që ka me ndodh një transformim shoqëror ku respekti ndaj shqiptarëve dhe Shqipërisë ka me qenë kaq i lartë. Sot Shqipëria mban fjalën në Këshillin e Sigurimit dhe tregon një leksion moral politik. Ideja e të gjithë kombit tonë është që të jemi së bashku në BE.

Aty ka vend për të gjithë. Unë e shoh të ardhmen në politikën paqësore.  Jam i sigurt që ky Samit tregojnë se një sfidë e madhe ku ne kemi pasur probleme me vete, më vonë dhe me tjerët tashmë është duke përfunduar. Jam i bindur se deri sa të vijë Samiti i katërt s’kemi me pas probleme”-tha ai.

LEXONI GJITHASHTU:

• Samiti III i Diasporës, Rama: Nuk ka asgjë të paarritshme nëse bëhemi bashkë
• Kurti anulon pjesëmarrjen në Samitin e Diasporës, ia delegon Osmanit