Gjendet i vdekur në ambientet e Qendrës Rezidenciale të Zhvillimit një 18-vjeçar

Një 18-vjeçar është gjetur mesditën e kësaj të shtune pa shenja jete në Qendrën Rezidenciale të Zhvillimit.

Bëhet me dije se i riu vuante nga problemet e shëndetit mendor dhe në muajin qershor është pranuar për t’u strehuar në këtë qendër.

Nuk dihen ende shkaqet e vdekjes, teksa policia bën me dije se në trupin e 18-vjeçarit nuk janë konstatuar shenja dhune.

Grupi hetimor ndodhet në vendngjarje dhe po punon për zbardhjen e rrethanave të rastit.

Berat/Informacion paraprak

Sot, rreth orës 12:00, në Qendrën Rezidenciale të Zhvillimit, Berat, nga personeli i kësaj qendre është gjetur pa shenja jete dhe pa shenja dhune, shtetasi S. Ll., 18 vjeç, banues në Kavajë, i cili vuante nga probleme të shëndetit mendor.

Ky shtetas, në muajin qershor 2023, është pranuar për trajtim pranë kësaj qendre, me vendim të Komisionit Qëndror për Vlerësimin e Nevojave të Personave me Aftësi të Kufizuara Tiranë, duke qenë se vuante nga probleme të shëndetit mendor.

Grupi hetimor po kryen veprimet për sqarimin e plotë të rrethanave të rastit.

LEXONI GJITHASHTU:

• Dëbora ‘mbulon’ Dibrën, bllokohen të tjera rrugë. Ja kush janë akset e pakalueshme
• Bora në Dibër, bllokohet aksi bypass-Qafë Murrizë, rrugët që kalohen me zinxhir