Artizania Sulaj: 1500 Euro kushton veshja tradicionale me pelerinën e Vlorës

Artizania dhe Etnografja, Edlira Sula ishte këtë të mërkurë e ftuar në “Good Morning Albanians” për të folur për kostumet popullore dhe realizimin e tyre.

Ajo tha se një veshje e qëndisur me fije ari e thjeshtë, duke ju referuar kostumit që mbante të veshur gjatë emisionit gazetarja Ujeza Doshlani, kushton deri në 1500 euro.

Artizanja tha se në këtë çmim përfshihen pelerina, fustani, kapelja dhe këpucët, ndërsa shtoi se është edhe një lloj tjetër punimi me fije ari i cili është më i kushtueshëm.

“Ka disa lloje të qëndisjeve me fije ari. Ka fije ari që është e përpunuar dhe e mbledhur në ngjyrën e arit,  ka fije ari që mblidhet por edhe lahet në shkumë ari, kjo nuk është e larë në shkumë ari.

Ne tani e kemi gjetur dhe kemi një sasi të vogël, por në momentin e qëndisjes do kohë më shumë dhe në momentin e blerjes, kostoja e saj është më e lartë.

Një pelerinë e kësaj natyre, i kompletuar i gjithë kostumi, shkon deri në 1500 euro. Ka fustanin ka kapelën, këpucët, ne mundohemi që edhe këpucët t’i qëndisim siç është kjo.

LEXONI GJITHASHTU:

• VIDEO/ “Skënderbeu” zbret në bulevard Ditën e Pavarësisë: I pari që ngriti flamurin
• “Ismail Qemali” nga Mitrovica feston Pavarësinë në Tiranë: 20 vite që e bëj këtë rol