Tronditet Kosova! Dy vrasje brenda natës në Prishtinë, detaje

Mbrëmjen e të mërkurës Kosova është tronditur nga ngjarjet kriminale. Pas vrasjes së Liridona Murseli, gruas së Naim Murselit, këshilltarit të ish-presidentit Behgjet Pacolli, Euronews Albania ka mësuar për një tjetër vrasje të ndodhur në Prishtinë.  Një person ka humbur jetën pasi është plagosur me thikë.

Ai është shoqëruar menjëherë në spital, por nuk ka arritur t’i mbijetoj lëndimeve të shumta trupore.

“Rreth orës 22:00 policia është informuar për një lëndim të rëndë trupor, në rrugën “Ali Vitia”, në Prishtinë. Menjëherë në vendin e ngjarjes kanë dalë njësitet e nevojshme policore.

Bazuar në të dhënat fillestare, dyshohet se nga arma e ftohtë (thikë) lëndime të rënda trupore, ka pësuar një person, i cili është dërguar për tretman mjekësor, në QKUK, nga ku jemi njoftuar se personi i lënduar nuk ka arritë të përballoj plagët dhe i njëjti ka ndërruar jetë.

Aktualisht hetuesit policor, në koordinim me prokurorin e shtetit, janë në kërkim të personit të dyshuarit ( i identifikuar) si dhe kanë nisë hetim për ndriçimin, sqarimin e të gjitha rrethanave që kanë të bëjnë me këtë ngjarje”.

LEXONI GJITHASHTU:

• Vrasja në Prishtinë/ Pacolli: Lajm i tmerrshëm tragjedia në familjen e Naim Murselit
• Vritet gruaja e këshilltarit të ish-presidentit të Kosovës Behgjet Pacolli