Fundviti në Shkodër, gazetari: Ka dhe shumë pak vende të lira për festat

Gazetari i Euronews Albania, Teodor Gjerga raportoi për “Review” nga Shkodra, aty ku këtë vit festimet janë shumë më të gjalla krahasuar me çdo vit tjetër.

Ka shumë më shumë atmosferë, drita, dekore dhe sigurisht turizëm. Gjerga tha se ka edhe pak vende dhe pjesa më e madhe është rezervuar.

“Kanë nisur rezervimet, por njerëzit akoma pyesin a është e vërtetë kjo që po ndodh në Shkodër apo jo sepse për hir të së vërtetës vitet e kaluara ka qenë diçka komplet tjetër. Sa i takon çmimeve duhet të themi se nuk ka pasur lëvizje, ndërsa pjesa më e madhe e restoranteve, bujtinave dhe hoteleve janë të prenotuara këtë fundvit në Shkodër. Kanë mbetur vetëm pak vende dhe ajo që është më e rëndësishmja, duhet t’u themi të gjithë shqiptarëve që në Shkodër këtë vit do të festohet dhe jeni të mirëpritur për të shijuar një fundvit të jashtëzakonshëm,” – u shpreh Gjerga.

LEXONI GJITHASHTU:

• “Garë e këndshme mes bashkive”, analistja: Vetëm Korça me plan festash
• Korça gati për festa, destinacioni i mijëra turistëve në dhjetor