Hidhet shorti i Europa League, “përsëritet” finalja e Tiranës

Milani do të debutojë në këtë sezon të Europa League përballë Rennes, në fazën me eliminim direkt. Shorti prodhoi 8 përballje, ku me interes padyshim pritet dhe Roma-Feyenoord. 8 ekipet e renditura në vendin e 3 në grupet e Champions kanë njohur kundërshtarët e tyre në kompeticionin tjetër europian, i dyti për nga rëndësia.

Edhe pse synonte fitimin e Champions, Milani tanimë është i detyruar të luajë në Europa League, ku Rennes është pengesa e parë. Roma-Feyenoord po ashtu premton rivalitet në fushën e lojës. Përballje që po ashtu prtet me tepër interes është ajo mes Shakhtar dhe Marsejës, me ukrainasit që sapo janë eliminuar nga Champions. Lens përballet me gjermanët e Freiburg, Young Boys me Sporting Lisbonën, Benfica-Toulouse, Braga-Qarabag dhe Galatasaray-Sparta Praga.

Ndërkohë shorti është hedhur dhe në kompeticionin tjetër europian Conference League. Kujtojmë se aty nuk bën pjesë asnjë skuadër shqiptare, me Ballkanin e cila ishte e fundit e eliminuar. Ndër 8 çiftet të cilat do të përballen në muajin shkurt, sfida më me interes është Real Betis-Dinamo Zagreb.

LEXONI GJITHASHTU:

• Reali dhe “tersi” i penalltive/ Madrilenët s’ kanë shënuar në Champions dhe La Liga
• Hidhet shorti i Champions  League, përballje interesante pas fazës në grupe